د هرات مرکز کې د ۶۰ ورزشکارانو ترمنځ د موی تای سیالۍ وشوې
د هرات ولایت د بدني روزنې او ورزش ریاست اړوند د موی تای ملي فدراسیون د استازولۍ له لوري د یاد ولایت په مرکز کې د ستورو په نوم د ۶۰ ورزشکارانو ترمنځ د موی تای سیالۍ وشوې، چې یوه ورځ یې دوام وکړ.
د دغو سیالیو په پایله کې ۳۰ ورزشکارانو خپلو سیالانو ته په ماتې ورکولو سره بریاوې او د اتلولۍ مقامونه خپل کړل.
د یادو سیالیو موخه د موی تای ورزش ته وده ورکول او د غوره ورزشکارانو موندل و، د سیالیو په پای کې غوره ورزشکارانو ته چمتو شوې ډالۍ ورکړل شوې.
