زابل؛ شاجوی ولسوالۍ کې د ۴۰ ورزشکارانو ترمنځ د بایسکل ځغلونې ټاکنیزې سیالۍ ترسره شوې
د زابل ولایت د بدني روزنې او ورزش آمریت اړوند د بایسکل ځغلونې فدراسیون استازولي سره په همغږي د شیخ مټي روغتون په مالي ملاتړ د یاد ولایت په شاجوی ولسوالۍ کې د ۴۰ ورزشکارانو ترمنځ د بایسکل ځغلونې ټاکنیزې سیالۍ ترسره شوې.
دا سیالۍ په ۳۰ کیلو متره واټن او د نویو ځوانانو، ځوانانو او لویانو ورزشکارانو په عمري کټګوریو کې ترسره شوې، چې په پایله کې یې درې تنه د زابل ولایت د بایسکل ځغلونې ټاکنیزې لوبډلې ته وټاکل شول.
یادې سیالۍ د زابل ولایتي لوبډلې ته د لوبغاړو د ټاکلو په موخه ترسره شوې، چې یوه ورځ یې دوام وکړ.
