سرپل؛ سانچارک ولسوالۍ کې د اتو لوبډلو ترمنځ د فوټبال سيالۍ پای ته ورسېدې
د سرپل ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په سانچارک ولسوالۍ کې د اتو لوبډلو ترمنځ د فوټبال سيالۍ، چې يوه مياشت مخکې پیل شوې وې د استقلال تکزار لوبډلې په اتلولۍ پای ته ورسېدې.
د دغو سياليو په پايلوبه کې استقلال تکزار لوبډلې خپلې سیالې خراسان فرشقان لوبډلې ته د ۵/۴ ګولونو په توپير ماتې ورکړه او اتلولي يې خپله کړه.
د يادو سياليو موخه د غوره لوبغاړو موندل او فوټبال لوبو ته د ځوانانو هڅول و، د سياليو په پای کې غوره لوبغاړو ته چمتو شوې ډالۍ ورکړل شوې.
