سرپل؛ سانچارک ولسوالۍ کې د ۶۰ ورزشکارانو ترمنځ د غېږنيونې سیمه ييزې سيالۍ وشوې
د سرپل ولايت د بدني روزنې او ورزش امريت اړوند د کورش ملي فدراسيون د استازولۍ له لوري د ياد ولايت په سانچارک ولسوالۍ کې د ۶۰ ورزشکارانو ترمنځ د غېږنيونې سیمه ييزې سيالۍ وشوې.
د دغو سياليو په پایله کې ۳۰ ورزشکارانو خپلو سيالانو ته په ماتې ورکولو سره برياوې خپلې کړې او د ډاليو ګټونکي شول.
د يادو سياليو موخه ورزش ته د ځوانانو هڅول او د خلکو ترمنځ يووالی رامنځته کول و، چې يوه ورځ يې دوام وکړ.
