پکتيکا؛ ارگون ولسوالۍ کې د فوټبال سيالۍ پای ته ورسېدې
د پکتيکا ولايت د بدني روزنې او ورزش آمريت په همغږۍ، د فوټبال فدراسيون د استازولۍ له لوري د ياد ولايت په ارگون ولسوالۍ کې له ۴ ولايتونو ۸ لوبډلو ترمنځ د فوټبال سيالۍ د غزني آزادۍ کلب لوبډلې په اتلولۍ پای ته ورسېدې.
په يادو سياليو له خوست، غزني، پکتيا او کوربه پکتيکا ولايتونو څخه لوبډلو گډون وو، چې په پايلوبه کې غزني آزادۍ کلب لوبډلې خپلې سيالې ارگون افغانان کلب لوبډلې ته د ۱-۰ گول په توپير ماتې ورکړه او اتلولي يې وگټله.
دا سيالۍ فوټبال ورزش ته د دوې ورکولو او د ځوانانو هڅونې په موخه وشوې، چې ۱۵ ورځې يې دوام وکړ.
