سمنگان؛ مرکز ايبک کې د اتو لوبډلو ترمنځ د فوټسال سيالۍ پای ته ورسېدې
د سمنګان ولايت د بدني روزنې او ورزش امريت اړوند د فوټبال ملي فدراسيون د استازولۍ له لوري او د اکټيد دفتر په مالي ملاتړ د ياد ولايت په مرکز ايبک کې د اتو لوبډلو ترمنځ د فوټسال سيالۍ پای ته ورسېدې.
د دغو سياليو په پايلوبه کې فرهنګ لوبډلې خپلې سيالې ارمان لوبډلې ته د ۳/۱ ګولونو په توپير ماتې ورکړه او اتلولي يې خپله کړه.
د سياليو په پای کې د ورزش مسوولينو له لوري غوره لوبډلې او لوبغاړو ته چمتو شوې ډالۍ ورکړل شوې.
