غور؛ دولتيار ولسوالۍ کې د ۳۰ بايسکل ځغلوونکو ترمنځ د بایسکل ځغلونې سيالۍ وشوې
د غور ولايت د بدني روزنې او ورزش امريت اړوند د بايسکل ځغلونې ملي فدراسيون د استازولۍ له لوري د ياد ولايت په دولتيار ولسوالۍ کې د ۳۰ بايسکل ځغلوونکو ترمنځ په ۶ کيلو متري واټن کې د بایسکل ځغلونې سيالۍ وشوې، چې يوه ورځ يې دوام وکړ.
د دغو سياليو په پایله کې حيدر الماس لومړی، نجيب کريمي دويم او محمد ظريف غفوري بيا درېيم مقام خپل کړ.
د سياليو په پای کې د ورزش مسوولینو له لوري غوره ورزشکارانو ته مډالونه، د اتلولۍ حکمونه او چمتو شوې ډالۍ ورکړل شوې.
