هلمند؛ خانشین ولسوالۍ کې د ۱۴ لوبډلو ترمنځ د فوټبال سیالۍ پیل شوې
د هلمند ولایت د بدني روزنې او ورزش آمریت اړوندد فوټبال فدراسیون د استازولۍ له لوري د یاد ولایت په خانشین ولسوالۍ کې د ۱۴ لوبډلو ترمنځ د فوټبال سیالۍ پیل شوې.
د دغو سیالیو لومړۍ لوبه د بړیڅ او طوفان هریرود لوبډلو ترمنځ په لومړیو کې مساوي شوه، خو په پنالټیو کې بړیڅ لوبډلې د ۵/۴ ګولونو په توپیر خپلې سیالې لوبډلې ته ماتې ورکړه او د سیالیو لومړۍ لوبه یې وګټله.
دا سیالۍ د ځوانانو لپاره د سالمې بوختیا په موخه پیل شوي دي، چې درې اوونۍ به دوام وکړي.
