هلمند؛ هارون پوپل لوبډلې د فولاد غوره ليگ په نوم د فوټبال سياليو اتلولي وگټله
د هلمند ولايت د بدني روزنې ورزش آمريت اړوند د فوټبال فدراسيون د استازولۍ له لوري د ياد ولايت په مرکز لښکرگاه ښار کې د اتو لوبډلو ترمنځ سويل لويديځ زون ته د غوره لوبډلې ټاکلو په موخه د فولاد فوټبال غوره ليگ سيالۍ، چې ۳۵ ورځې مخکې پيل شوې وې، د هارون پوپل لوبډلې په اتلولۍ پای ته ورسېدې.
د يادو سياليو ورورستۍ لوبه د هارون پوپل او بهير نورزي لوبډلو ترمنځ ترسره شوې، چې په پايله کې هارون پوپل لوبډلې خپلې سيالې لوبډلې ته د ۰/۴ گولونو په توپير ماتې ورکړه، چې په دې توگه يې د ۱۸ نمرو په ترلاسه کولو سره د دغو سياليو اتلولي خپله کړه.
