همایون علي خېل او علي رضا جمال د سوک وهنې په نړیوالو سیالیو کې د برنزو مډالونه وګټل
د المپيک، بدني روزنې او ورزش عمومي رياست اړوند د سوک وهنې ملي فدراسیون ورزشکارانو همایون علي خېل په ۹۲ کیلو ګرامه او علي رضا جمال په ۵۰ کیلو ګرامه وزن کې د جام پوریای ولي په نوم د سوک وهنې نړيوالو سیالیو کې خپلو ایراني سیالانو ته ماته ورکړه او د برنزو مډالونه یې وګټل.
په دغو سیالیو کې د هېواد په استازولۍ ۷ ورزشکارانو ګډون کړی و، چې دوه یې د مډال ګټونکي شول.
یادې سیالۍ د ايران په کوربتوب د روان ميلادي کال د اپریل میاشتې پر ۲۶مه نېټه د دې هېواد په خوی ښار کې د ۸ هېوادونو په ګډون پیل شوې وې او نن (د مې پر درېیمه) پای ته ورسېدې.
