پکتيا کې د فوټبال الف ليگ پای ته ورسېد
د پکتيا ولايت د بدني روزنې او ورزش رياست په همکارۍ، د فوټبال فدراسيون د استازولۍ له لوري د ياد ولايت په مرکزي سټډيوم کې د ۱۴ لوبډلو ترمنځ د فوټبال الف ليگ چې شاوخوا يوه مياشت مخکې پيل شوی و د حېدر کرار لوبډلې په اتلولۍ پای ته ورسېد.
د يادو سياليو په پايلوبه کې حېدر کرار لوبډلې په خپلې سيالې سرې مياشتې استقلال لوبډلې ته د ۲-۱ ګول په توپير ماتې ورکړه او اتلولي يې وگټله.
د ويلو ده، چې حېدر کرار او سرې مياشتې استقلال لوبډلو د پکتيا ولايت د فوټبال غوره لیګ ته لار پېدا کړه.
