پکتيکا؛ په يوسف خېلو ولسوالۍ کې د ۵۰ ورزشکارانو ترمنځ د کې وان کيک بوکسنګ سيالۍ وشوې
د پکتیکا ولایت د بدني روزنې او ورزش امریت اړوند کې وان کیک بوکسینګ فدراسیون د استازولۍ له لوري، په يوسف خېلو ولسوالۍ کې د ۶ کلبونو د ۵۰ ورزشکارانو ترمنځ د کې وان کيک بوکسینګ سیالۍ وشوې.
دغه سيالۍ چې موخه يې ورزش ته وده ورکول او ځوانانو ته د سالمې تفرېح برابرول وو، په پايله کې ۲۵ ورزشکارانو خپلو سيالانو ته په ماتې ورکولو سره برياوې خپلې کړې.
هېره دې نه وي چې په پای کې غوره ورزشکارانو ته چمتو شوې ډالۍ ورکړل شوې.
