پکتیا؛ زرمت ولسوالۍ کې د شپږ لوبډلو ترمنځ د فوټبال اووم پړاو پریمر لیګ سیالۍ پای ته ورسېدې
د پکتيا ولايت د بدني روزنې او ورزش ریاست اړوند د فوټبال فدراسیون د استازولۍ له لوري د یاد ولایت په زرمت ولسوالۍ کې د شپږو لوبډلو ترمنځ د فوټبال لیګ سیالۍ د شاهي کوټ لوبډلې په اتلولي پای ته ورسېدې.
د دغو سیالیو پایلوبه کې شاهي کوټ لوبډلې د ۳ پر یو ګول په توپیر خپلې سیالې المنصور لوبډلې ته ماتې ورکړه او اتلولي یې وګټله.
یادې سیالۍ د ولسوالۍ په کچه د فوټبال غوره لوبغاړو د موندلو په موخه ترسره شوې، چې ۲۵ ورځې یې دوام وکړ.
