پکتیا؛ مرکز گردېز ښار کې د اتو ولایتونو ترمنځ د والیبال سیالۍ پیل شوې
د پکتیا ولایت د بدني روزنې او ورزش ریاست اړوند د والیبال فدراسیون د استازولۍ له لوري د یاد ولایت مرکز گردېز ښار کې له اتو ولایتونو د ۵۵ لوبډلو تر منځ د والیبال دوستانه سیالۍ پیل شوې.
په دغو سیالیو کې له کابل، لوگر، خوست، ميدان وردگ، پکتیکا، ننگرهار، لغمان او کوربه پکتیا ولایتونو څخه لوبډلو گډون کړی، چې په لومړۍ لوبه کې غړک لوبډلې خپلې سیالې عبدالله بهار لوبډلې ته د۲/۱ میدان په توپیر ماتې ورکړه او د سیالیو لومړۍ بریا یې خپله کړه.
دا سیالۍ د سیمې د خلکو لپاره د سالمې تفريح برابرولو په موخه پیل شوې، چې یوه میاشت به دوام وکړي.
