پکتیکا؛ مرکزي زندان کې د درېیوو لوبډلو ترمنځ د والیبال سیالۍ پای ته ورسېدې
د پکتیکا ولایت د بدني روزنې او ورزش آمریت له لوري د یاد ولایت په مرکزي زندان کې د درېیوو لوبډلو ترمنځ د والیبال سیالۍ د A بلاک لوبډلې په اتلولي پای ته ورسېدې.
د یادو سیالیو پایلوبه کې A بلاک لوبډلې د ٢ پر یو میدان په توپیر خپلې سیالې B بلاک لوبډلې ته ماتې ورکړه او اتلولی یې وګټله.
دا سیالۍ د زندانیانو لپاره د سالمې تفریح برابرولو به موخه ترسره شوې، چې څلور ورځې یې دوام وکړ.
