کابل کې د ۷۰ ورزشکارانو ترمنځ د فول رزم ټاکنيزې سيالۍ پيل شوې
د کابل ولايت د بدني روزنې او ورزش رياست اړوند د فول رزم ملي فدراسيون له لوري د کابل ولايت له ۱۲ کلبونو څخه د ۷۰ ورزشکارانو ترمنځ د فول رزم ټاکنيزې سيالۍ پيل شوې.
د دې سياليو د پيل په مراسمو کې د کابل ولايت د بدني روزنې او ورزش رياست رئيس مولوي عتیق الله خالد، ورزشي مسولينو او ګڼ شمير د ورزش مينوالو ګډون کړی و.
دغه سياليو کې به ورزشکاران په څلورو عمري کټګوريو کوچنیانو، نويو ځوانانو، ځوانانو او لويانو کې د يو بل پر وړاندې سيالي ترسره کړي، چې په پايله کې به يې ۱۸ تنه د کابل ولايت د فول رزم منتخبې لوبډلې ته وټاکل شي.
د ويلو ده، چې دغه سيالۍ د کابل ولايت منتخبې لوبډلې ته د غوره لوبغاړو موندلو په موخه پيل شوې، چې يوه ورځ به دوام وکړي.
