کندز؛ امام صاحب ولسوالۍ کې د ۵۰ پهلوانانو ترمنځ سيالۍ وشوې
د کندز ولايت د بدني روزنې او ورزش ریاست په همغږي، د سامبو کورش فدراسیون د استازولۍ له لوري د امام صاحب ولسوالۍ اړوند ايسکي سيمه کې د ۵۰ پهلوانانو ترمنځ د کورش آزادې شپنۍ سيالۍ وشوې.
په يادو سياليو پر امام صاحب ولسوالۍ سربيره له قلعه زال، خان آباد او کلباد ولسوالیو څخه پهلوانانو گډون کړی وو، چې په پايله کې يې ۲۵ تنو خپلو سيالانو ته په ماتې ورکولو سره برياوې خپلې کړې او د بېلابېلو چمتو شویو ډالیو گټونکي شول.
