کندز کې د ۳ ولايتونو ترمنځ د کورش آزادې سيالۍ وشوې
د کندز ولايت د بدني روزنې او ورزش رياست په همکارۍ او د سامبو کورش فدراسيون د استازولۍ له لوري د مرکز اړوند باسوس سيمه کې له درېيو ولايتونو د ۶۰ تنو پهلوانانو ترمنځ د کورش آزادې سيالۍ وشوې.
په يادو سياليو کې پر کندز سربيره له بغلان او سمنگان ولايتونو څخه پهلوانانو گډون وو، چې په پايله کې يې ۳۰ تنو خپلو سيالانو ته په ماتې ورکولو سره برياوې خپلې کړې او همدارنگه کندز پهلوانانو د زياتو برياوو سره لومړی او سمنگان دويم مقام خپل کړ.
د يادونې وړ ده، چې دغو سياليو يوه شپه دوام وکړ او په پای کې غوره پهلوانانو ته بېلابېلې چمتو شوې ډالۍ ورکړل شوې.
