نیمروز؛ مرکز زرنج کې د اتو لوبډلو ترمنځ د فوټبال لومړی پړاو لیګ پيل شوې
د نیمروز ولایت د بدني روزنې او ورزش امریت اړوند د فوټبال ملي فدارسیون د استازولۍ له لوري د یاد ولایت په مرکز زرنج ښار کې له مرکز او والسوالیو اتو لوبډلو ترمنځ د فوټبال لومړی پړاو لیګ پيل شو، چې یوه میاشت به دوام وکړي.
د دغو سیالیو لومړۍ لوبه د براسان او میهن لوبډلو ترمنځ ۱/۱ مساوي پای ته ورسېده، چې په پایله کې دواړو لوبډلو یو-یو امتیاز ترلاسه کړ.
د یادو سیالیو موخه د ځوانانو ترمنځ د فوټبال ورزش ته وده ورکول او د ورزشکارانو ترمنځ مثبته انګېزه رامنځته کول دي.
