کندز؛ امام صاحب ولسوالۍ کې د اتو لوبډلو ترمنځ د واليبال سيالۍ پای ته ورسېدې
د کندز ولايت د بدني روزنې او ورزش رياست اړوند د واليبال فدراسيون د استازولۍ له لوري د امام صاحب ولسوالۍ په کول يقه سيمه کې د اتو لوبډلو ترمنځ د واليبال سيالۍ د محيب عارفي لوبډلې په اتلولۍ پای ته ورسېدې.
د دغو سياليو په پايلوبه کې محيب عارفي لوبډلې خپلې سيالې محمد ولي کريمي لوبډلې ته د ۲۵ پر ۲۳ امتيازونو په توپير ماتې ورکړه او اتلولي يې وگټله.
د يادو سياليو موخه د ځوانانو لپاره د سالمې تفريح برابرول وو، چې يوه شپه يې دوام وکړ.
