پروان؛ سید خېل ولسوالۍ کې د ۱۵۰ پهلوانانو ترمنځ د پهلوانۍ سیالۍ وشوې
د پروان ولایت د بدني روزنې او ورزش امریت اړوند د پهلوانۍ ملي فدراسیون د استازولۍ له لوري د یاد ولایت په سیدخېل ولسوالۍ کې له پنجشېر، پروان او کاپیسا ولایتونو څخه د ۱۵۰ پهلوانانو ترمنځ د پهلوانۍ سیالۍ وشوې.
په دغو سیالیو کې نویو ځوانانو، ځوانانو، او لویانو ورزشکارانو ګډون کړی وو، چې په پایله کې پروان لومړی، پنجشېر دویم او کاپیسا بیا درېیم مقام خپل کړ.
د یادو سیالیو موخه پهلوانۍ ورزش ته وده ورکول و، چې یوه ورځ یې دوام وکړ.
