د فوټسال ملي لوبډلې د اسلامي هېوادونو د پيوستون سیالیو خپله درېيمه لوبه مراکش ته بايلوده
د فوټسال ملي لوبډلې د اسلامي هېوادونو د پيوستون شپږم پړاو سیالیو خپله درېيمه لوبه مراکش ته د ۴ - ۰ ګولونو په توپير بايلوده.
افغان لوبډلې له دغو سياليو څخه په خپله لومړۍ لوبه کې تاجکستان ته د ۹ - ۵ ګولونو په ستر توپیر ماته ورکړې وه او دويمه لوبه يې ايران سره دوه دوه مساوي کړې وه.
د فوټسال سیالۍ د ۸ هېوادنو ترمنځ په دوه ګروپونو کې ترسره کېږي، چې افغانستان په B ګروپ کې له تاجکستان، ایران او مراکش سره په يو ګروپ کې دی.
د اسلامي هېوادونو د پيوستون ۶م پړاو سیالۍ په ۲۳ ورزشي رشتو کې د سعودي عربستان په کوربهتوب په پلازمېنه ریاض ښار کې د ۵۷ اسلامي هېوادونو په ګدون د نومبر په څلورمه پیل شوي او تر ۲۱مې نېټې به دوام وکړي.
