بلخ؛ کلدار ولسوالۍ کې د ٢۵ لوبډلو ترمنځ د والیبال سیالۍ پای ته ورسېدې
د بلخ ولایت د بدني روزنې او ورزش ریاست له لوري د یاد ولایت په کلدار ولسوالۍ کې د ٢٥ لوبډلو ترمنځ د والیبال سیالۍ د کلدار ځوانانو لوبډلې په اتلولي پای ته ورسېدې.
د یادو سیالیو په پایلوبه کې کلدار ځوانانو لوبډلې د یو پر صفر میدان په توپیر خپلې سیالې اتفاق کهنه کلدار لوبډلې ته ماتې ورکړه او اتلولي یې خپله وګټله.
دا سیالۍ والیبال ورزش ته د ځوانانو هڅولو په موخه تر سره شوې چې درې ورځې يې دوام وکړ.
