لوگر؛ مرکز پل عالم کې د سنوکر دوه ورزشي کلبونه پرانيستل شول
د لوګر ولایت د بدني روزنې او ورزش امريت په همکارۍ د ياد ولايت په مرکز پل عالم ښار کې د يو ملي سوداګر له لوري د ۳ ميليونه او ۱۴ زره افغانيو په ارزښت دوه د سنوکر کلبونه پرانيستل شول.
دغه ورزشي کلبونه د ياد ولايت ورزشي مسوولینو، مخورو، دولتي چارواکو او ورزشکارانو په شتون کې د سنوکر ورزش ته د ودې ورکولو او ورزشکارانو ته د سالمې بوختیا پیدا کولو په موخه جوړ او ګټې اخیستنې ته وسپارل شو.
