خوست؛ صبريو يعقوبيو ولسوالۍ کې د واليبال درېيم پړاو سيالۍ پای ته ورسېدې
د خوست ولایت د بدني روزنې او ورزش آمريت په همغږۍ، د واليبال فدراسيون د استازولۍ له لوري د صبريو يعقوبيو ولسوالۍ په ستر کلي کې د ۲۴ لوبډلو ترمنځ د واليبال درېيم پړاو سيالۍ د اسماعیل خېلو منتخبې لوبډلې په اتلولۍ پای ته ورسېدې.
د يادو سياليو په پايلوبه کې اسماعیل خېلو منتخبې لوبډلې خپلې سيالې تڼيو الف لوبډلې ته د ۲-۱ ميدان په توپیر ماتې ورکړه او اتلولي يې وگټله.
د ويلو وړ ده، چې دغو سياليو شاوخوا يوه نيمه مياشت دوام وکړ او په پای کې اتلې لوبډلې ته ۱۰٫۰۰۰ زره افغانۍ او دويم مقام گټونکې لوبډلې ته ۵٫۰۰۰ زره افغانۍ د انعام په توگه ورکړل شوې.
