ننگرهار؛ ښېوې ولسوالۍ کې د ټېپ بال کرېکټ سيالۍ پيل شوې
د ننگرهار ولايت د بدني روزنې او ورزش رياست په همغږۍ د ښېوې ولسوالۍ په سلام پور سيمه کې د ۲۴ لوبډلو ترمنځ د ټېپ بال کرېکټ سیالۍ پيل شوې.
د يادو سياليو پيليزه لوبه د سلام پور او بډيالۍ مرکزي لوبډلو ترمنځ وشوه، د لوبې پچه سلام پور لوبډلې وگټله او لومړی يې د توپ وهنې پرېکړه وکړه، چې په ټاکلو ۸ اورونو کې يې د ۸ لوبغاړو په سوځېدو سره خپلې سيالې لوبډلې ته د ۸۱ منډو هدف کېښود، په ځواب کې بډيالۍ لوبډلې ياد هدف ترلاسه کړ او لوبه يې ۹ ويکټو په توپير وگټله.
د ويلو وړ ده، چې دغه سيالۍ به شاوخوا يوه مياشت دوام وکړي.
