پکتيکا کې د اتو لوبډلو ترمنځ د فوټبال سيالۍ پيل شوې
د پکتيکا ولايت د بدني روزنې او ورزش آمريت په همکارۍ، د فوټبال فدراسيون د استازولۍ له لوري د ارگون ولسوالۍ په قره خېل ورزشي لوبغالي کې له څلورو ولايتونو اتو لوبډلو ترمنځ د فوټبال سيالۍ پيل شوې.
په يادو سياليو کې له غزني، خوست، پکتيا او کوربه پکتيکا ولايتونو څخه لوبډلو گډون کړی، چې پيليزه لوبه يې د پکتيا او غزني لوبډلو ترمنځ ۱-۱ گول مساوي پای ته ورسېده.
دا سیالۍ د ځوانانو ترمنځ د يووالي په موخه ترسره کېږي، چې ۱۶ ورځې به دوام وکړي.
