هلمند؛ نادعلي ولسوالۍ کې د ټېپ بال کرېکټ سيالۍ پيل شوې
د هلمند ولايت د بدني روزنې او ورزش آمريت په همغږۍ، د ټېپ بال کرېکټ فدراسیون د استازولۍ له لوري د ياد ولايت په نادعلي ولسوالۍ کې د ۱۰ لوبډلو ترمنځ د ټېپ بال کرېکټ گروپي سيالۍ پيل شوې.
د يادو سياليو لومړۍ لوبه د احسان او سميع نورزي لوبډلو ترمنځ وشوه، د لوبې پچه احسان لوبډلې وگټله او لومړی يې د توپ وهنې پرېکړه وکړه، چې په ټاکلو ۱۴ اورونو کې يې د ۹ لوبغاړو په سوځېدو سره خپلې سيالې لوبډلې ته د ۱۵۸ منډو هدف کېښود، په ځواب کې سميع نورزي لوبډلې ياد هدف په ۱۲م اور کې ترلاسه کړ او لوبه يې د ۷ ویکټو په توپیر وگټله.
د ويلو وړ ده، چې دغه سيالۍ به شاوخوا ۲۷ ورځې دوام وکړي.
