کابل کې د پاورليفټينگ نهم پړاو ټاکنيزې سيالۍ پيل شوې
د کابل ولايت د بدني روزنې او ورزش ریاست سره په همغږۍ د پاورليفټينګ ملي فدراسیون له لوري د کابل ولايت له ۸ کلبونو څخه د ۱۲۰ زياتو ورزشکارانو ترمنځ د کابل ښار نهم پړاو ټاکنيزې سيالۍ د هېواد ورزش ادارې په ۵۰۰ کسيز جمنازيوم کې پيل شوې.
دغه سياليو به په څلورو عمري کټګوريو( نويو ځوانانو، ځوانانو، ماسټرانو او اوپن) کې ترسره شي چې په پايله کې به يې ۱۵ تنه د کابل ولايت د پاورليفټينګ منتخبې لوبډلې ته غوره شي او هم به ياد لوبغاړي د پاورليفټينګ ملي سياليو کې د ګډون حق ترلاسه کړي.
د دې سياليو د پيل په مراسمو کې د هېواد ورزش ادارې فني او مسلکي مرستيال حافظ احمد جان ځدراڼ، د کابل ولايت د بدني روزنې او ورزش رئيس مولوي عتیق الله خالد، د رهبرۍ غړو، د پاورليفټينګ ملي فدراسیون رئيس نور احمد سخيزاده، ورزشي مسوولینو، ورزشکارانو او يو شمير مينوالو ګډون کړی و، چې درې ورځې به دوام وکړي.
