کونړ؛ ناړۍ ولسوالۍ کې د ۲۰ لوبډلو ترمنځ د ټېپ بال کرېکټ سيالۍ پيل شوې
د کونړ ولايت د بدني روزنې او ورزش آمريت په همغږۍ، د ټېپ بال کرېکټ فدراسیون د استازولۍ له لوري د ناړۍ ولسوالۍ په پاشنگر سيمه کې د ۲۰ لوبډلو ترمنځ د ټېپ بال کرېکټ سيالۍ پيل شوې.
د يادو سياليو پيليزه لوبه د پاشنگر افغان او سلارزو لوبډلو ترمنځ وشوه، د لوبې پچه پاشنگر افغان لوبډلې وگټله او لومړی يې د توپ وهنې پرېکړه وکړه، چې په ټاکلو لسو اورونو کې يې د اتو ویکټو په سوځېدو سره خپلې سيالې لوبډلې ته د ۱۵۳ منډو هدف کېښود، په ځواب کې سلارزو لوبډلې ياد هدف په وروستي اور کې ترلاسه کړ او لوبه يې د څلورو ویکټو په توپیر وگټله.
