تخار؛ مرکز تالقان کې د ۱۲۰ ورزشکارانو ترمنځ د رزمي لوبو اتلولۍ سیالۍ وشوې
د تخار ولایت د بدني روزنې او ورزش امریت اړوند د رزمي لوبو ملي فدراسیون د استازولۍ له لوري د یاد ولایت په مرکز تالقان ښار کې د ۱۲۰ ورزشکارانو ترمنځ د رزمي لوبو اتلولۍ سیالۍ وشوې، چې یوه ورځ یې دوام وکړ.
د دغو سیالیو په پایله کې ۶۰ ورزشکارانو خپلو سیالانو ته په ماتې ورکولو سره د اتلولۍ مقامونه خپل کړل.
د سیالیو په پای کې غوره ورزشکارانو ته د تشویق په موخه چمتو شوې ډالۍ ورکړل شوې.
