لوګر؛ مرکز پل عالم کې د ۱۵۰ ورزشکارانو ترمنځ د ووشو تشویقي سیالۍ وشوې
د لوګر ولایت د بدني روزنې او ورزش امریت اړوند د ووشو فدراسیون د استازولۍ له لوري د یاد ولایت په مرکز پل عالم کې د ۱۵۰ ورزشکارانو ترمنځ په بېلا بېلو وزني کټګوریو کې د ووشو سیالۍ وشوې، چې یوه ورځ يې دوام وکړ.
دغه سیالۍ د تک فایت په ډول ترسره شوې، چې په پایله کې ۷۵ تنو خپلو سیالانو ته په ماتې ورکولو سره د اتلولۍ مقامونه خپل کړل.
د یادو سیالیو موخه ورزش ته د ځوانانو هڅول و.
