هرات مرکز کې د ۲۴ لوبډلو ترمنځ د فوټبال جام سيالۍ پای ته ورسېدې
د هرات ولايت د بدني روزنې او ورزش رياست اړوند په ښوونځيو، مدرسو او پوهنتنونو کې ورزش د ودې مديريت له لوري د ياد ولايت په مرکز ښار کې د ۲۴ لوبډلو ترمنځ د فوټبال جام سيالۍ پای ته ورسېدې.
د دغو سياليو په پايلوبه کې انقلاب اسلاميد لېسې لوبډلې خپلې سيالې عبدالظاهر بشيري لېسې لوبډلې ته په پنالټيو کې د ۶/۵ ګولونو په توپير ماتې ورکړه او اتلولي يې خپله کړه.
د يادو سياليو موخه په ښوونځيو کې ورزش ته وده ورکول، د غوره استعدادونو موندل او زده کوونکو ته سالم چاپيريال برابرول و، چې څلور ورځې يې دوام وکړ.
