اتحاد مرکز لوبډلې د پروان پوهنتون د محصلینو ټولنې د والیبال سیالیو اتلولي وګټله
د پروان ولایت د سپورت امریت او والیبال فدراسیون له لوري په پروان پوهنتون کې د محصلینو جام سیالۍ چې درې ورځې وړاندې پیل شوې وې، د اتحاد مرکز لوبډلې په اتلولۍ پای ته ورسیدې.
په دغو سياليو کې د اتحاد باميانو، اميد فردای شيخ علي، بندامير باميان، اتحاد مرکز، ساحل، اتحاد جوانان، متحدين، اتحاد شمال، اتحاد بدخشان او جوانان سرخ لوبډلو برخه اخيستې وه او درې ورځې يې دوام وکړ.
پای لوبه د اتحاد مرکز او بند امیر بامیان لوبډلو ترمنځ ترسره شوه، چې په پایله کې اتحاد لوبډلې خپلې سیالې لوبډلې ته د ۲-۱ میدانونو په توپیر ماتې وکړه او اتلولي یې خپله کړه.
په پای کې د ګډون کوونکو مسوولينو له لوري ګټونکو لوبډلو او غوره لوبغاړو ته کپونه، مډالونه او چمتو شوې ډالۍ ورکړل شوې.
