افغان جودو کار احمد صمیم فیض زاده سبا له خپل اتریشي سیال سره لوبه کوي
د پاریس د المپيکي لوبو په لړ کې
افغان جودو کار احمد صمیم فیض زاده سبا ماسپښین له خپل اتریشي سیال واچیدبورچا شویلي سره د لوبې ډګر ته ښکته کيږي.
په ۲۰۲۴ نړیوالو المپیکي سیالیو کې له ۲۰۶ هیوادونو څخه ۱۰ زرو او ۵۰۰ ورزشکارانو کډون کړی او په ۳۲ بېلابېلو ورزشي څانګو کې ترسره کیږي.
د يادونې ده، چې سږ کال المپیکي سیالۍ د فرانسې په مرکز پاريس کې د زمري په پنځمه د یو لړ ځانګړو مراسمو په ترڅ کې پيل شوې، چې د روان ميلادي کال د اګست میاشتې تر یوولسمې به دوام وکړي.
