افغان فوټسال ملي لوبډلې د برازیل پر وړاندې ماتې وخوړه
افغان فوټسال ملي لوبډلې د برازیل فوټسال په څلور اړخیزو نړيوالو سیالیو کې، چې د دغه هېواد په کوربتوب ترسره کېږي، له کوربه پیاوړې برازیل لوبډلې څخه د ۱ ـ ۴ ګولونو په توپیر ماتې وخوړه.
په دغه سیالي کې د افغانستان په ګټه یوازنی ګول امید قنبري ترسره کړ.
افغان فوټسال ملي لوبډله په دغو سیالیو کې خپله درېیمه لوبه نن ( د مارچ پر اتمه) د کابل په وخت مازیګر ۵:۳۰ بجې د ایران پر وړاندې ترسره کوي.
د برازیل فوټسال څلور اړخیزې نړیوالې سیالۍ د برازیل په کوربتوب د " برازیل، افغانستان، ایران او ګرین لنډ " ترمنځ پیل شوې دي، چې افغانستان په دغو سیالیو کې په لومړنۍ لوبه کې ګرین لنډ ته ماتې ورکړې وه.
