افغان فوټسال ملي لوبډلې د کافا په سیالیو کې ازبکستان ته هم ماته ورکړه
افغان فوټسال ملي لوبډلې د کافا اتلولیو جام سیاليو کې په خپلې دویمې لوبه کې د ازبکستان پیاوړې لوبډلې ته د ۳/۴ ګولونو په توپیر ماتې ورکړه او د شپږو امتیازونو په درلودلو سره یې د جدول په لومړي سر کې ځای وموند.
په دې لوبه کې د افغان لوبډلې پیاوړي لوبغاړي رضا حسین پور په وروستی ثانیه کې د ازبکستان خلاف ګول ترسره کړ او لوبه یې د افغانستان په ګټه پای ته ورسوله. د دې سیالیو لومړی ګول حمید حسین، دویم سید حسین موسوي، درېیم علي فیاضي ترسره کړ.
دا په داسې حال کې ده، چې له دې وړاندې په لومړنۍ لوبه کې افغان لوبډلې قرغیزستان ته ماتې ورکړې وه او له یوې ورځې دمې وروسته به سبا نه بل سبا له ایران هیواد سره خپله درېیمه سیالي ترسره کړي.
