افغان فوټسال ملي لوبډلې په دوهمه دوستانه سيالۍ کې هم له مراکش څخه ماتې وخوړله
د افغان فوټسال ملي لوبډله د ۲۰۲۴ فوټسال نړيوالو جام سیالیو ته د لا ښه چمتووالي په موخه له مراکش ملي لوبډلې سره د دوو دوستانه سياليو لوبلړۍ ترسره کړه، چې په دواړو سياليو کې له ماتې سره مخ شوه.
د يادو سياليو په لومړۍ لوبه کې مراکش لوبډلې ۱/۴ او په دوهمه لوبه کې بيا ۲/۵ گولونو په توپير افغان فوټسال ملي لوبډلې ته ماتې ورکړه او ياده لوبلړۍ يې په خپل نوم کړه.
د يادونې وړ ده، چې د ۲۰۲۴ فوټسال نړيوال جام د ازبيکستان هېواد په کوربتوب د روان ميلادي کال په سپټمبر مياشت کې د ۲۴ هېوادونو ترمنځ پيل شي، چې افغان فوټسال ملي لوبډله به په C گروپ کې له ارجنټاين، اوکرين او انگولا لوبډلو سره سیالۍ ترسره کړي.
