بادغیس؛ مرکز قلعه نو کې د ۶۵ ورزشکارانو ترمنځ د پاورلفټینګ سیالۍ ترسره شوې
د بادغیس ولایت د بدني روزنې او ورزش امریت اړوند د پاورلفټینګ ملي فدراسیون د استازولۍ له لوري د یاد ولایت په مرکز قلعه نو ښار کې د ۶۵ ورزشکارانو ترمنځ د نویو ځوانانو، ځوانانو او د لویو ورزشکارانو په عمري کټګوریو کې د پاورلفټینګ سیالۍ ترسره شوې.
دغه سیالۍ د ورزشکارانو ترمنځ په نمایشات، پرس او کاسکت سبکونو کې ترسره شوې، چې په پایله کې د ۶۵ ورزشکارانو له ډلې ۳۲ ورزشکارانو خپلو سیالانو ته په ماتې ورکولو سره غوره لوبغاړي وپېژندل شول.
د یادو سیالیو موخه د پاورلفټینګ سیالیو ته وده ورکول او د ورزشکارانو هڅوول و.
د سیالیو په پای کې غوره ورزشکارانو ته چمتو شوې ډالۍ ورکړل شوې.
