بادغیس؛ مرکز قلعه نو کې د ۱۷۰ پهلوانانو ترمنځ د پهلوانۍ ټاکنیزې سیالۍ پای ته ورسېدې
د بادغیس ولایت د بدني روزنې او ورزش امریت اړوند د پهلوانۍ ملي فدراسیون د استازولۍ له لوري د یاد ولایت په مرکز قلعه نو کې د ۱۷۰ پهلوانانو ترمنځ په شپږو وزني کټګوریو کې د پهلوانۍ ټاکنیزې سیالۍ پای ته ورسېدې.
د دغو سیالیو په پایله کې شپږو پهلوانانو خپلو سیالانو ته په پرلپسې ماتې ورکولو سره د اتلولۍ مقامونه ترلاسه کړل او د بادغیس ولایت د پهلوانۍ منتخبې لوبډلې ته غوره شول.
د یادو سیالیو موخه د بادغیس ولایت د پهلوانۍ منتخبې لوبډلې ته د غوره پهلوانانو موندل وو، چې دوې ورځې یې دوام وکړ.
د سیالیو په پای کې ټاکل شوو پهلوانانو ته چمتو شوې ډالۍ ورکړل شوې.
