باميان؛ په يکاولنگ ولسوالۍ کې د ۵۰ ورزشکارانو ترمنځ د تيږې اچوونې او لاس چپه کولو سيالۍ ترسره شوې
د باميان ولايت د بدني روزنې او ورزش آمريت او د ښاروالۍ ادارې په گډه همکارۍ د يکاولنگ ولسوالۍ په ورزشي لوبغالي کې د ۵۰ ورزشکارانو ترمنځ سيمه ييزو لوبو ته د ودې ورکولو په موخه د تيږې اچوونې او د لاس چپه کولو سيالۍ ترسره شوې.
دغه سیالۍ، چې يوه ورځ يې دوام وکړ، په تيږې اچوونې سياليو کې ۳۰ ورزشکارانو برخه اخيسته وه، چې په پايله کې علي جعفر لومړی او محمد عدالت دويم مقام ترلاسه کړ او همدرانگه د ده ترڅنگ په لاس چپه کولو سياليو کې ۲۰ تنو ورزشکارانو گډون کړی وو، چې په پايله کې علي جعفر لومړی او سيد محمد بيا دويم مقام خپل کړ.
ياده دې وي، د دغو سياليو په پای کې غوره ورزشکارانو ته د اتلولۍ حکمونه او نغدي ډالۍ ورکړل شوې.
