بامیان؛مرکز کې د نهو لوبډلو ترمنځ د والیبال سیالۍ پای ته ورسېدې
د بامیانو ولایت د بدني روزنې او ورزش امریت اړوند د والیبال ملي فدراسیون د استازولۍ له لوري د یاد ولایت په مرکز کې د نهو لوبډلو ترمنځ د افغانستان د خپلواکۍ جام په نوم د والیبال سیالۍ، چې لس ورځې مخکې پیل شوې وې د مرکز ځوانانو لوبډلې په اتلولۍ پای ته ورسېدې.
د دغو سیالیو په پایلوبه کې د مرکز ځوانانو لوبډلې خپلې سیالې داودي لوبډلې ته د ۳ پر صفر ګولونو پر توپیر ماتې ورکړه او اتلولي یې خپله کړه.
د یادو سیالیو موخه د زمري ۲۸ مه د هېواد د خپلواکۍ ورځې نمانځل و.
