بدخشان؛ ارګو ولسوالۍ کې د ۲۴ لوبډلو ترمنځ د فوټبال سیالۍ پای ته ورسېدې
د بدخشان ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په ارګو ولسوالۍ کې د ۲۴ لوبډلو ترمنځ د استقلال جام په نوم د فوټبال سیالۍ پای ته ورسېدې.
د دغو سیالیو په پای کې وحدت طلوع لوبډلې خپلې سیالې ارګو اتفاق لوبډلې ته د ۳/۰ ګولونو په توپير ماتې ورکړه او اتلولي خپله کړه.
د یادو سیالیو موخه د افغانستان ا.ا د درېیمې کلیزې د نمانځلو په موخه ترسره شوې، چې ۲۰ ورځې یې دوام وکړ.
د سیالیو په پای کې د بدخشان ولایت ورزشي امریت له لوري غوره لوبډلې ته د اتلولۍ جام او غوره لوبغاړو ته ورزشي ډالۍ ورکړل شوې.
