بدخشان؛ مرکز فیض اباد کې د ۱۲ لوبډلو ترمنځ د واليبال سيالۍ د دهدهي لوبډلې په اتلولۍ پای ته ورسېدې
د بدخشان ولايت د بدني روزنې او ورزش امريت اړوند د واليبال ملي فدراسيون د استازولۍ له لوري د ياد ولايت په مرکز فیض اباد کې د ۱۲ لوبډلو ترمنځ د ژمي جام په نوم د واليبال سيالۍ، چی يوه اوونۍ مخکې پيل شوې وې د دهدهي لوبډلې په اتلولۍ پای ته ورسېدې.
د دغو سياليو په پايلوبه کې دهدهي لوبډلې خپلې سیالې م.و.لوي عبيدالله لوبډلې ته د ۳/۰ ميدانونو په توپير ماتې ورکړه او اتلولي يې خپله کړه.
د يادو سياليو موخه ورزش ته د ځوانانو هڅوول و، چې د سياليو په پای کې غوره ورزشکارانو ته چمتو شوې ډالۍ ورکړل شوې.
