بغلان؛ تالهوبرفک ولسوالۍ کې د ۴۰ چاپندازانو ترمنځ د وزلوبې سیالۍ ترسره شوې
د بغلان ولایت د بدني روزنې او ورزش امریت اړوند د وزلوبې، نېزه وهنې او د سیمه ییزو او دودیزو لوبو مدیریت د استازولۍ له لوري د یاد ولایت په تالهوبرفک ولسوالۍ کې د ۴۰ چاپندازانو ترمنځ د وزلوبې سیالۍ ترسره شوې.
د دغو سیالیو په پایله کې د میدان حکم له لوري دوه اخر اولاقه اعلان شول، چې لومړی اخر اولاق د مراد پهلوان له لوري او دویم اخر اولاق د ګلبدین پهلوان له لوري تر حلالې دایرې ورسېده او د نغدي ډالیو ګټونکي شول.
د یادو سیالیو موخه د وزلوبې ورزش ته وده ورکول و، چې یوه ورځ یې دوام وکړ.
