بغلان؛ خنجان ولسوالۍ کې د ۵۸ ورزشکارانو ترمنځ د ووشو ټاکنیزې سیالۍ ترسره شوې
د بغلان ولایت د بدني روزنې او ورزش امریت اړوند د ووشو ملي فدارسیون د استازولۍ له لوري د یاد ولایت په خنجان ولسوالۍ کې د ۵۸ ورزشکارانو ترمنځ د ووشو ټاکنیزې سیالۍ ترسره شوې.
دغو سیالیو، چې یو ورځ یې دوام وکړ، په پایله کې ۸ ورزشکارانو (ووشو کارانو) د بغلان ولایت منتخبې لوبډلې ته لاره ومونده.
د یادو سیالیو موخه د بغلان ولایت منتخبې لوبډلې ته د غوره لوبغاړو موندل دي.
د سیالیو په پای کې د بغلان ولایت ورزشي امریت له لوري غوره ورزشکارانو ته چمتو شوې ډالۍ ورکړل شوې.
