بغلان؛ خنجان ولسوالۍ کې د ۶۲ ورزش کارانو ترمنځ د ځغاستې سیالۍ ترسره شوې
د بغلان ولایت د بدني روزنې او ورزش آمریت اړوند د اتلتیک فدراسیون د استازولي له لوري د یاد ولایت په خنجان ولسوالۍ کې د ۶۲ ورزش کارانو ترمنځ په درې کیلو متري واټن کې د ځغاستې سیالۍ ترسره شوې.
د یادو سیالیو په پایله کې مسعود لومړی، احمدشاه دویم او جواد درېیم مقام ترلاسه کړ.
د دغو سیالیو موخه د ورزش کارانو ترمنځ د سالمې تفرېح رامنځته کول ښودل شوي دي او په پای کې ګټونکي لوبغاړي د سیمې د مشرانو له لوري د ډالیو په ورکولو سره تشویق شول.
