بغلان؛ په مرکز پلخمري کې د ۱۵۰ ورزشکارانو ترمنځ د کورش یو ورځنۍ سیالۍ ترسره شوې
د بغلان ولایت په مرکز پلخمري کې د بغلان، کندز او سمنګان ولایتونو د ۱۵۰ کورش پهلوانانو ترمنځ د کورش یو ورځنۍ دوستانه سیالۍ ترسره شوې.
په همدې موخه په جوړو شویو مراسمو کې د یاد ولایت ورزشي مسولینو، ورزشکارانو، قومي مخورو او د ورزش سلګونو مینوالو ګډون کړی و.
دغه سیالۍ د یوې ورځې لپاره د ملا عبدالبصیر په مالي ملاتړ ترسره شوې او موخه یې د هیواد په کچه د ملي او دودیزو لوبو ژوندي کول و.
په پای کې د یاد ولایت د ورزشي امریت له لوري د یادو سیالیو مالي ملاتړ کوونکي ته ستاینلیک ورکړل شو.
