بلخ؛ مرکز مزارشريف ښار کې د طبما ټاکنيزې سيالۍ وشوې
د بلخ ولایت د بدني روزنې او ورزش رياست اړوند د طبما ملي فدراسیون د استازولۍ له لوري د ياد ولايت په مرکز مزار شریف ښار کې د ۳۸ ورزشکارانو ترمنځ د طبما ټاکنيزې سيالۍ وشوې، چې يوه ورځ يې دوام وکړ.
دغه سيالۍ د ځوانانو او د لويانو ورزشکارانو په عمري کټګوريو کې ترسره شوې، چې په پايله ۳ تنه د بلخ ولایت د طبما منتخبې لوبډلې ته وټاکل شول.
د يادو سياليو موخه د بلخ ولايت د طبما منتخبې لوبډلې ته د غوره لوبغاړو ټاکل و.
