بلخ؛ مرکز مزار شریف ښار کې د څلورو لوبډلو ترمنځ د والیبال سیالۍ ترسره شوې
د بلخ ولایت د بدني روزنې او ورزش ریاست اړوند د والیبال فدراسیون د استازولۍ له لوري د یاد ولایت مرکز مزارشریف ښار کې د څلورو لوبډلو ترمنځ د والیبال سیالۍ د حاجي رییس لوبډلې په اتلولي پای ته ورسېدې.
په دغو سیالیو کې له کابل، بلخ، خوست او جوزجان ولایتونو څخه څلورو لوبډلو ګډون کړی و، چې په پایلوبه کې د بلخ حاجي رئیس لوبډلې د یو پر صفر میدان په توپیر د کابل لوبډلې ته ماتې ورکړه او اتلولي یې وګټله.
یادې سیالۍ ورزش ته د ځوانانو د هڅولو په موخه پیل شوې وې، چې یوه شپه یې دوام وکړ او په پای کې لومړي مقام ګټونکې لوبډلې ته يو موټر، دويم مقام ته يو موټرسايکل او درېیم مقام لوبډلې ته ۲۰۰ ډالر د ډالۍ په توګه ورکړل شول.
